Në pranverën e dytë të motit ’25, TKOBAP-ja sjell një kalendar të ngjeshur me shfaqje që do të mbledhin në Tempullin e Artit, të gjithë familjen.
Ky prill çel siparin me të qeshura në Hollin Koncertor, ku opera për fëmijë dhe familje “Il Maestro di Cappella” sjell magjinë e muzikës në gjuhën më të dashur për të vegjlit – lojën dhe gëzimin.
Bashkëpunimi ndërinstitucional me Liceun Artistik dhe Universitetin e Arteve sjell dy koncerte, pjesë e projektit “Mozart”, interpretuar nga artistët e së ardhmes.
Mesi i muajit prill na gjen me dyer të hapura në dy net GALA, ku të gjitha trupat artistike të teatrit bashkohen në një mbrëmje magjike.
Me ritmet e Tropojës dhe me “K’cimin në TKOBAP”, mblidhemi për të ndjekur një perlë të njerëzimit që tashmë ka zënë vend edhe në zemër të UNESCO-së.
Këto dhe shumë të tjera do t’i japin frymë e jetë këtij prilli, në teatër, aty ku arti pulson me ritmin e shpirtit.
Për të shkarkuar kalendarin në pdf klikoni: