DASHURI, INTRIGA, ATDHEDASHURI!
Trekëndëshi i një dashurie pasiononte të ndaluar mes princeshës së Etiopisë, Aida, komandantit të ushtrisë së Egjiptit, Radamès, dhe të bijës së Faraonit, Amneris. Ngjarja merr tjetër rrjedhë kur Radamès urdhërohet të luftojë në betejën kundër kombit të Etiopisë, duke mos ditur se Aida është princesha e tyre, dhe i tregon asaj të gjithë planin ushtarak.
Aida duhet të vendosë mes besnikërisë ndaj vendit të saj dhe përkushtimit ndaj djalit që ajo dashuron. Dilema e zgjedhjes mes dashurisë dhe detyrës përballët edhe nga Radamesi, i cili në fund tradhton atdheun e tij për shkak të Aidës.
 Se ç’do të ndodhë me dashurinë e ndaluar të komandantit egjiptian dhe princeshës etiopiane, ju ftojmë ta ndiqni në Egjiptin e lashtë  që do krijohet në TKOB, me operën e përjetshme të Giuseppe Verdi-t, “Aida”, e cila vjen si premierë nga 23-27 qershor, vetëm në Teatrin e Operës dhe Baletit.
Muzika magjepsëse e Verdi-t me korale të fuqishme, arie magjepsëse dhe pasazhe gjithëpërfshirëse orkestrale do të përforcojë thellësinë emocionale të operës, e cila vjen nën idetë regjisoriale, skenografike dhe kostumografike të ikonës, maestro Franco Zefirelli, rivënie regjisoriale Stefano Trespidi, dhe asistencën e regjisores Ada Gurra.
Një vepër e përmasave të mëdha, do të vijë nga Orkestra Simfonike, Solistët, Kori dhe Trupa e Baletit e TKOB-së, me dirigjimin e maestros 🪄Jacopo Sipari di Pescasserolli dhe maestros Dritan Lumshit, interpretuar nga artistë të mirënjohur shqiptarë dhe të huaj.
Ndaj bashkohuni në një udhëtim emocionues në botën e “Aidës”, ku dashuria e ndaluar shfaqet në një vepër të mrekullueshme artistike!

AKTI I
Skena e parë.

Salla e madhe e pallatit të mbretit në Menfi.
Në kënde, statuja monumentale e shkurre të lulëzuara; në sfond, pallate, tempuj e piramida. Ramfis, udhëheqësi i priftërinjve, ndan me Radames, kapitenin trim të ushtrisë faraone frikën e një sulmi të ri të etiopëve. Tashme Iside ka percaktuar udhëheqësin e trupave mbretërore, dhe shpejt do ta bëjë
të ditur emrin e tij. Radames ëndërron që të jetë ai i zgjedhuri, për tu kthyer nga lufta i rrethuar me kurorë dafinash, dhe per t’i rikthyer fronin dhe atdheun gruas që përsëri e do: Aidës, vajza e mbretit të Etiopisë, rritur në duar egjiptiane.

Por me Radamesin ështe dashuruar edhe vajza e mbretit te Egjiptit, Amneris,  shikon te skllavja
një rivale poshtëruese dhe përpiqet të zbulojë, nëpërmjet pyetjeve të vërtetën: Aides i drejton me djallëzi fjalë të dashura, Radamesit vështrime dashurie dhe hulumtuese.
Një lajmëtar sjell lajmin se hordhitë etiopiane, të udhëhequra nga monarku i tyre Amonasro, kanë kapërcyer kufijtë dhe po marshojnë drejt Tebës. Është luftë.
Në prani të rojeve, kapitenëve,ministrave, priftëinjve dhe mbreti anoncon emrin e heroit: Radames.
Shpërthejnë të pranishmit por jo Aida,  që e pushtuar nga dashuria për të atin dhe pasioni i marrë per më të  tmerrshmin e armiqve, u kërkon ndihmë. Amneris e vëzhgon në distancë.

 

Skena e dytë.
Në  brendësi të tempullit te Vullkanit. Mes vallëzimeve mistike dhe thirrjeve drejt zotave, në mes
të kolonave që humbasin  errësirë, Radamèsi, prijësi i veshur në argjend, merr nga Ramfis shpatën që e
konsakron prijës të ushtrisë egjiptiane.

 

AKTI ll
Skena e parë.

Një dhomë në apartamentin e Amneris.
E asistuar nga shërbëtoret, teksa disa skllevër ëe zinj vallëzojnë për të, princesha përgatitet të festojë fitoren e egjiptianeve. Dhe kur hyn Aida nuk i reziston dot tundimit për të bërë një duel me rivalen. Demonstron respekt për dhimbjen e saj; pastaj me shtirjen dinake të vdekjes së Radamèsit në fushën e betejës, përpiqet t’ia zbuloje zemrën. Kërcënime të menjëhershme ndjekin konfesimin e padjallëzuar të Aidës, dhe skllavja detyrohet të kerkoje falje.

 

Skena e dytë.
Trompat e fitores thërrasin popullatën në ceremoninë e triumfit. Turma grumbullohet në portat e Tebès. Mbreti, me shpurën e tij te ministrave, priftërinjve, kapitenëve, ulet në fron pranë vajzës Amneris. Parakalojnë karrocat e luftes, vazot e shenjta, statujat e deve; një grup kërcimtarësh sjell thesaret e fitimtarëve. Mes ovacioneve të popullit, bën hyrjen e tij Radamèsi. Amneris e kurorëzon me kurorën e fitimtarit. Mbreti premton solemnisht qè do

t’i plotësoje çdo deshirë. Me zemërgjerësine e heronjve, ai kërkon që të mblidhen të burgosurit dhe kërkon për ta jetë dhe liri, pa e ditur që mes tyre fshihej Amonasro. Të bashkuar në kor me fjalët e Radamesit, të gjithë kërkojnë në lutje mëshirë. Edhe i pamëshirshmi Ramfis është i detyruar  të ndryshoje gjykim: si garanci për pagën, bind sovranin të mbaje rob Aidën e një luftëtar, në realitet Amonasro, të betohet se e ka varrosur mbretin e Etiopisë.

Plotësohet edhe pse në një farë mase vullneti i Radamesit dhe të burgosurit lirohen. Por një tjetër çmim, i padëshirueshëm sa edhe i pamundur të heqësh dorë, e pret heroin egjiptian: dora e Amnerisit, që lumturohet nga fitorja dashurore, ndërsa Aida qan fatin e saj dhe Amonasro betohet për hakmarrje.

 

AKT III
Ujërat e qeta të Nilit, shkëmbinj graniti mes palmave të hurmave gjetheshumë, tempulli i Isides që spikat kundrejt qiellit të yjëzuar.

Një varkë arrin heshturazi në bregun e shenjtë. E udhëhequr nga prifti i Madh, Amneris ngre lutje drejt zotave që të mbrojnë martesën e saj të afërt. Por atë natë, mbi të njëjtin breg, Aida pret Radamèsin, duke qarë me lot për atdheun e humbur.

Por Amonasro paraprin armikun, dhe në fillim me lutje, pastaj me kërcënime, e bind të bijën të tradhëtoje të dashurin për të shpëtuar popullin e saj.
Një luftë e re po duket në horizont, etiopasit jane gati të sulmojnë egjiptianet, me çdo mjet, edhe me mashtrim.

Për këtë arsye Aida duhet t’i heqë Radamèsit të padjallëzuar veshjet e luftës së ushtrisë faraonike. E mbërthyer nga ankthi, skllavja takon të dashurin duke u shtirë si e qetë, ëndërron me të një arratisje dashurie dhe arrin të mësoj informacionet që i kërkoi i ati.

Jo i kënaqur, Amonasro del nga vendi i fshehtë ku ka dëgjuar çdo fjalë, paraqitet tek Radamèsi si mbret i Etiopisë dhe kërkon të bëje për vete prijësin e dëshpëruar.

Por Amneris, spiun i palodhur, u denoncon komplotin priftërinjve dhe rojeve. Fal ndihmës së Radamèsit, Amonasro e Aida arrijnë të arratisen, ndërsa i riu i dorëzohet Ramfisit, duke pranuar  të paguajë për fajin e tij.

 

AKTI lV
Një sallë madhështore ne pallatin e mbretit të Egjiptit, në të majtë të portës që e udhëheq në bodrumet e nëndheshme të sentanzave. Në luftë mes dashurisë dhe mërisë, Amneris urdhëron që të ekzekutohet i burgosuri. Dëshiron të shpëtoje me jetën e burrit që dashuron, lumturinë e saj, martesën e ëndërruar. Por Radames është i vendosur tashmë të mos kundërshtoje fatin e tij, dhe nuk përpiqet të fshehë ndjenjat që e lidhin me Aidën. Në qendër të mendimeve të tij nuk është veçse ajo, skllavja e çliruar, që i mbijetoi betejës ku i vdiq i ati dhe shumë afër bashkimit me popullin e saj.

Priftërinjtë, «larvat e bardha», janë tashmë gati për të gjykuar tradhëtarin;

Amneris mallkon veten e saj dhe xhelozinë që nuk diti ta ndrydh: dëshpërohet, ulërin, përgjërohet për mëshire ndaj të pafajshmit Radamès. Por komandanti nuk shfajësohet dhe dënimi kapital shpallet.

 

Biletat mund t’i merrni çdo ditë, nga ora 10:00- 14:00 dhe nga ora 16:00- 20:00.