Teatri Kombëtar i Operas, Baletit dhe Ansamblit Popullor, çel sezonin artistik 2020/2021 me koncertin: Agnus Dei, me pjesë nga kompozitorët Bach, Handel, Mozart, ekzekutuar nga Orkestra e TKOB-së, nën drejtimin e dirigjentit Dritan Lumshi, me interpretim të solistëve Etrita Ibrahimi (Klaviçembalo), Dorina Selimaj (Soprano), Ina Gaqi (Alto), Erlind Zeraliu (Tenor), Bledar Domi (Bass). Ky program premierë do të prezantohet përpara publikut mbrëmjen e 1 tetorit, ora 19.00, në oborrin e Muzeut Historik Kombëtar.

 

Në program:

Johan Sebastian Bach – Brandenburg Concerto No. 3

Klaviçembalo: Etrita Ibrahimi

Violinë Principale: Gëzim Bulçari

Dirigjent: Dritan Lumshi

Ekzekuton: Ansambli i Harqeve

***

George Frideric Handel – “Lascia ch’io pianga” – Aria e Almirane nga opera Rinaldo, Akti II

Klaviçembalo: Etrita Ibrahimi

Soprano: Dorina Selimaj

Dirigjent: Dritan Lumshi

Ekzekuton: Ansambli i Harqeve

***

George Frideric Handel – “Ombra Mai Fu” – Aria e Kserksit nga opera Serse

Klaviçembalo: Etrita Ibrahimi

Bass: Bledar Domi

Dirigjent: Dritan Lumshi

Ekzekuton: Ansambli i Harqeve

***

Johan Sebastian Bach – Clavicembalo Concerto D minor

Klaviçembalo: Etrita Ibrahimi

Dirigjent: Dritan Lumshi

Ekzekuton: Ansambli i Harqeve

***

Wolfgang Amadeus Mozart – Coronation Mass – Agnus Dei

Soprano: Dorina Selimaj

Alto: Ina Gaqi

Tenor: Erlind Zeraliu

Bass: Bledar Domi

Dirigjent: Dritan Lumshi

Ekzekuton: Formacion Orkestral

***

Antonio Vivaldi – Gloria

Dirigjent: Dritan Lumshi

Interpretojnë: Formacion Orkestral dhe Kori i TKOB

 

Përshkrim i shkurtër

Koncerti “Agnus Dei” çel sezonin e ri artistik 2020/2021 me një program premierë i cili sjell para publikut përfaqësuesit e muzikës baroke.

Mbrëmja vjen si një lutje e madhe drejt Zotit, për largimin e mëkateve dhe në emër të dashurisë për jetën. Në ritmet e ngadalta të Handelit do të ndihet vuajtja dhe brenga, të cilat do të pasohen nga “allegrot” e Mozart-it dhe Vivaldi-t, ku do të ndihet madhështia dhe lartësia e Zotit, tek i cili gjejmë paqen e përjetshme.

Kjo mbrëmje është një dedikim për të gjitha ato familje që kanë humbur të dashurit e tyre për shkak të pandemisë COVID-19.

Shfaqja ndërtohet mbi bazën e muzikës vokalo-instrumentale të viteve 1700, me kompozitorët më përfaqësues të kësaj periudhe: Handel, Bach, Mozart dhe Vivaldi.

Handel do të jetë pika lidhëse midis dy epokave, të afërta në vite, por  të cilat u  konsideruan si dy stile të ndryshme, me emërtimet barok dhe klasike.

Ky koncert ka si veçanti vokalin, i cili vjen nëpërmjet dy solistëve, kuartetit dhe korit.

 

 

Dritan Lumshi

Ka nisur studimet e tij për Violin në Liceun Artistik Jordan Misja dhe më pas ka përfunduar studimet për dirigjim simfonik dhe koral pranë Akademisë së Arteve në 2004 me rezultate të shkëlqyera dhe Master në Muzikologji në 2007. Që prej vitit 2007 është Dirigjent i Korit të TKOB. Ka drejtuar korin e TKOB në shumë vepra si dhe ka drejtuar shfaqje si dirigjent principal në opera si Flauti Magjik, Drei Grochen Opera, Dasma e Figaros, Suor Angelica, Baleti Bajadera, etj. Përveç aktiviteteve në TKOB ai ka marrë pjesë edhe në shumë aktivitete të tjera brenda dhe jashtë vendit. Vazhdon aktivitetin pedagogjik.

Etrita Ibrahimi

E lindur në Tiranë në një familje të njohur artistësh e filloi fare e re aktivitetin koncertal. Në vitet në vazhdim ndoqi një seri koncertesh dhe çmimesh të fituara në konkurset kombëtare dhe në 1989, vazhdon studimet në Konservatorin “G. Verdi” të Torinos, ku u diplomua “cum laude”, në klasën e Prof. Remo Remoli. Ka realizuar shumë koncerte për të gjitha qytetet e rajonit të Piemonte-s në Itali, në Austri, Spanjë, Çeki, Francë, Kosovë, Maqedoni, Mal i Zi, Kroaci, Shqipëri, etj. Është klasifikuar në vendet e para në konkurse të ndryshme. Për aktivitetin artistik të zhvilluar në Itali, në vitin 2005 ka fituar çmimin ndërkombëtar për karrierën “Beato Angelico”, i akorduar nga Bashkia e Romës (Itali).

Aktualisht është drejtoreshë artistike e Festivalit Ndërkombëtar “PIANODROM”, koncertmaestër në Teatrin Kombëtar të Operës, Baletit dhe Ansamblit Popullor në Tiranë dhe zv/presidente e Fondacionit Kulturor “Feim Ibrahimi”.

HYRJA E LIRË