Orkestra simfonike e TKOB u formua në vitin 1950, së bashku me Filarmoninë e Shtetit. Në të bënin pjesë orkestrantë të përgatitur fillimisht në gjimnazet dhe shkollat e Mesme të Përgjithshme, Orkestra Frymore e Ushtrisë dhe më pas në Liceun Artistik – “Jordan Misja”. Aktiviteti artistik i orkestrës fillon me koncertet dhe shfaqjet si pjesë e Filarmonisë së Shtetit dhe në vitin 1953, orkestra inkuadrohet përfundimisht në TKOB.
Orkestra e TKOB gjatë gjithë kalendareve artistik, ka mbajtur peshën më të madhe, që nga fillimi i krijimit të saj e deri sot. Me kalimin e viteve, orkestra u pasurua me instrumentistë të përgatitur fillimisht në Konservatorët e vendeve lindore si Pragë, Leipsig, Sofje dhe më pas nga Konservatori Shtetëror i Tiranës me hapjen e tij në vitin 1961. Orkestra Simfonike e TKOB ka dhënë dhe vijon të jepë një kontribut të çmuar në ekzekutimin e veprave të kompozitorëve shqiptar dhe atyre botërorë. Që prej krijimit të saj orkestra e TKOB është drejtuar nga mjeshtri Mustafa Krantja dhe më pas nga dirigjentët Rifat Teqja, Simon Gjoni, Ermir Krantja, Fiqiri Kraja, Bujar Llapaj, Edmond Doko, etje.
Orkestra ka ekzekutuar në koncerte dhe shfaqje operistike të TKOB drejtuar edhe nga dirigjentë me fame ndërkombëtare dhe me pjesëmarrjen e instrumentistëve në vepra operistike dhe baleti, me këngëtarë dhe balerinë të huaj.
Pas vitit 1990 në turnetë artistike që ka ndërmarrë TKOB në Itali, Francë, Turqi, Greqi, Maqedoni, Kosovë, Kroaci, Bosnjë, Zvicër, Belgjikë, Kuvajt etj, kjo orkestër është duartrokitur me ovacione të mëdha dhe ka marrë vlerësime maksimale nga publiku dhe specialistët e fushës.
Nga kjo orkestër kanë dalë solistë instrumentistë dhe orkestrantë të talentuar si dhe janë krijuar disa ansamble të muzikës së dhomës.
Krahas repertorit të kompozitorëvë shqiptarë si Çesk Zadeja, Nikolla Zoraqi, Tish Daija, Tonin Harapi, Feim Ibrahimi, Limoz Dizdari, Aleksandër Peçi apo Kujtim Laro, kjo orkestër ka ekzekutuar me shumë sukses shumë vepra simfonike të kompozitorëve të mëdhenj botëror si Mozart, Haydn, Bethoven, Brahms, Dvorak, Çajkovski, Prokofiev, Strauss, Rosini, në repertorin e ngjeshur operistik dhe koreografik, shqiptar e botëror.
Orkestra Simfonike e TKOB përbëhet nga rreth 50 instrumentistë. Për vlerat e saj artistike interpretative, orkestra simfonike e TKOB është vlerësuar me çmime e konsiderata të larta.
Orkestra ka në përbërjen e saj vetëm artistë shqiptarë. Formacioni i saj përmban: harqet (V1, V2, Vl, Vlc, Cb), instrumentët e frymës (piç, Fl1, Fl2, 2 Ob, 2 Cl, 2 Fg, Ingl.corn, 2Tr, 3 Cor, 3 Trb, Bt), instrumentët e perkusionit dhe harpën.
Dirigjent: Edmond Doko
As/dirigjent: Florian Hysa
Violinë e parë
Gëzim Bulçari – Koncert maester
Nikola Kondakçi – Spalë
Anduena Sula, Migena Kreci, Mimoza Kolpeja, Arenc Guri, Gerd Cinxo
Violinë e dytë
Hilda Çekani – Spalë
Rina Cekaj, Gent Jazexhiu, Vilma Cara, Edlira Prosi, Romina Tafaj
Violë
Flobens Zyma – Spalë
Albana Leka, Arjan Konçi, Alkena Shuteriqi, Adrian Prosi, Xhanina Çela
Violonçel:
Gëzim Hysi, Loreta Memaj, Teuta Krypçi, Mario Guralumi, Jona Çegrani, Ejona Nako
Kontrabas
Saimir Katroshi – Spalë
Oltjon Lila, Adnan Mumajesi
Flaut
Enalda Gjoni – Spalë Flaut I
Dorela Ujkani – Flaut II
Oboe
Erik Tauzi – Spalë Oboe I
Ilir Gjoka – Oboe II
Klarinetë
Elton Katroshi – Spalë Klarinetë I
Erenik Behlula – Klarinetë II
Fagot
Sidrit Çarçiu – Spalë fagot I
Sadik Mëniku – Fagot II
Korno
Vildan Mumajesi – Korno II
Denis Shegaj – Korno III
Trombë
Xhino Daja – Spalë Trombë I
Roland Llupa – Trombë II
Trombon
Ilir Vorpsi – Spalë Trombon I
Alban Zadeja – Trombon II
Edmond Kiri – Trombon III
Timpan
Edris Kraja – Spalë Timpan
Perkusion
Eldi Smaja
Harpë
Aida Kasmi – Spalë Harpë
KONCERTMAESTËR – PIANISTË – KOREPETITOR
Enina Selenica – Koncert master
Etrita Ibrahimi – Pianiste Korepetitore
Herta Cane – Pianiste Përgatitore
Ingrid Pulizo – Pianiste Përgatitore
Thanas Paskali – Pianist Korepetitor