Zana Çela

Drejtore e Përgjithshme

Znj. Zana Çela është producente dhe menazhere arti nga më të njohurat në Shqipëri. Eksperienca e saj në fushën e prodhimit dhe menaxhimit të artit, kulturës, produksionit dhe medias përfshin 30 vjet në shërbim të shoqërisë dhe të publikut shqiptar e të huaj si autore e dhjetëra e dhjetëra projekteve artistike.

Znj. Zana Çela ka mbajtur pozicione të ndryshme drejtuese në institucione kombëtare të kulturës dhe të medias. Por pjesa më e madhe e eksperiencës së saj përfshin aktivitetin e saj si producente e lirë. Gjithashtu, vitet e fundit ajo i është dedikuar edhe projekteve për shkëmbime kulturore midis Shqipërisë dhe vendeve fqinje, si : Greqia dhe Mali i Zi në kuadrin e programit IPA të Bashkimit Evropian.

Arritjet kryesore të Znj. Zana Çela përfshijnë planifikimin dhe menaxhimin në fushën e artit, produksione të krijimtarisë skenike dhe televizive me pjesëmarrje artistësh dhe personalitetesh të shquara ndërkombëtare, partneritet të suksesshëm me subjektet private, institucionet publike qendrore e vendore, vendase e të huaja. Ajo ka përfaqësuar vendin në evenimente të rëndësishme ndërkombëtare si anëtare e paneleve të ndryshme të tyre.

Aktiviteti profesional:

Autore e eventeve artistike skenike dhe televizive, kombëtare dhe ndërkombëtare, të artit dhe kulturës:

– Festivali Ndërkombëtar Operistik “Marie Kraja”, aktiviteti kulturor shqiptar më i njohur në arenën ndërkombëtare, i cili prej 16 vjetësh ka arritur të promovoje karriera operistike në skenat ndërkombëtare për dhjetra këngëtare të huaj dhe shqiptarë.

– Talent shoës për të rinj dhe fëmijë në formatin spektakël dhe academy school për talentet e reja që aspirojne të bëhen artistë profesionistë, këngëtarë dhe balerine (klasike, modern, jazz dhe hip-hop).

– Produksione të ndryshme televizive e radiofonike dhe dokumentarë televizivë në fushën e muzikës dhe trashëgimisë kulturore.

Aktiviteti menaxherial:

– Drejtore e Përgjithshme e Teatrit Kombëtar të Operas, Baletit dhe Ansambilit Popullor në vitet 1999-2004, si edhe nga viti 2016 dhe në vazhdim.

– Zëvendës Drejtore e Televizionit Publik Shqiptar, Drejtore Artistike e Televizionit Kombëtar KLAN dhe Drejtore e Përgjithshme e Televizionit KOHA.

– Drejtore e projekteve IPA të Bashkimit Evropian për bashkëpunimin kulturor të Shqipërisë me Greqinë dhe Malin e Zi.

Znj. Zana Çela është zgjedhur për të drejtuar Teatrin e Operas dhe Baletit për shkak të eksperiencës së saj në drejtimin e institucioneve të ndryshme të natyrës komplekse, lidhjeve të saj të shumta jashtë vendit, si edhe faktit se ajo është një menaxhere e kohës, aktive, e angazhuar dhe me një pasion të madh për kulturën.

 

 

Abigeila Voshtina
Drejtore Artistike e Operas

 

Enada Hoxha
Drejtore Artistike e Baletit

 

Gerti Druga
Drejtor Artistik i Ansamblit Popullor

 

Andi Kotri
Drejtor i Produksionit Skenik

 

Lindita Gjinaj
Drejtore e Financës dhe Shërbimeve Mbështëse